《愛得太遲》呢首歌就聽得多喇，聽咗好耐喇，但係一直都聽唔清楚某啲歌詞，直到最近，我知道有啲人聽呢首歌會聽到喊，我先開始睇下阿夕爺啲歌詞！

以下係歌詞對我表達嘅訊息，希望同大家分享下。

從前，有個古巨基，佢有個朋友。古巨基同佢個朋友好好感情，經常見面。但後來因為佢地兩個都有一份穩定嘅工作，兩人嘅工作時間唔吻合，可能一個返早，一個返夜間，所以佢地兩個人見面嘅時間少咗，甚至乎好耐冇見。有一次，二人抽空相見，竟無言以對，疏淡如水。

←─冇咩特別

古巨基日做夜做，覺得好辛苦，加上與友人疏遠，返到屋企，見到老豆，就好想向老豆"呻"，但係見到老豆多咗皺紋，發覺佢老咗喎，以前都唔覺。(證明佢返屋企見到老豆嘅時間唔多，成日做野，忽略咗屋企人，因為如果一個人每日都見某人，某人在一個人的眼裡不會老了多少。)對此，古巨基感到十分內咎、為之擔心。

古巨基的工作十分忙碌，此子極為上進，在精神上所受嘅壓力非同小可，以致佢發夢都諗住做野、做野、做野，但此舉，佢都承認，是非常自私的。

古巨基有個女朋友，縱使佢幾忙，都要抽啲時間出o黎見下佢女朋友。但係佢女朋友好似有啲"竟滾"，要攬要鍚都唔肯，係咁話「下次先啦」、「下次先啦」?

古巨基一日發覺佢嘅身體開始出現問題，去睇醫生，醫生勸佢唔好太忙。無端去掃影碟，但係唔睇，因為有事做。

古巨基日又做、夜又做，都儲到一定的金錢。到咗聖誕，約咗女朋友出o黎，想向佢求婚，點知佢女朋友就話要分手，因為都忍佢好耐、好憎恨佢。(愛你變成恨你)

總括而言，有啲過路人(在人倫生活中生活的人)往往只顧眼前利益，而忽略身邊一啲重要的人，而忽視自己的健康，而要珍惜現在所有，珍惜現在的時刻，因為時間冇得返轉頭架！現在你唔珍惜，可能係因為你覺得現在並不可貴，並不吸引，你想襯現在就係咁賺錢，為未來舖路，所以現在只不過係你人生之中嘅踏腳石，但係如果你珍惜今晚，當今晚係你嘅最後一晚，今晚都會好吸引；相反，如果你棄之不甚惜，將來你睇返，就會發覺你以往嘅日子都係無價之寶！你永遠都唔可以用任何辦法去進入舊時的生活！

你信唔信運都好，你不過是人，唔可以改變既有嘅事實，亦唔可以改變你要死嘅命運！你有理想，但係遙遙無期、遙不可及！你有愛人，佢就响你嘅附近默默地等你嘅出現！你有死期，可以好遠，可以好近！近則不能再默守成規、原地踏步、守株待兔，如果唔係，你連開心嘅能力都冇！不要等到天上俯瞰 (天在上，如果你企响度，天俯瞰只能睇到你嘅頭殼頂；你目訓响度，天先可以睇到你全相架！目訓到永久，就係死，即係唔好等到死。)